4/16/2012

الاختيار

في هذا العالم الممتد إلى مالا نهاية أشياء كثيرة غريبة و معقدة و يصعب فهمها بالنسبة للإنسان العادي وحتى الإنسان الغير عادي يفهمها لكن بطريقته الخاصة وبوجهة نظره إللي ممكن تكون غلط مثل ما ممكن تكون صح.

أنا عندي سؤال .. سؤال صعب جداً بالنسبة لي .. "شنو أهو الصح؟؟" .. وهالسؤال أوجهه لكل شي .. وين الصح بكل شي؟؟.

الصح إن الإنسان يتبع قلبه ومشاعره في الحياة .. أو يتبع كلام العقل .. او يتبع مشورة الاقرباء .. أو يتبع تعاليم الدين إللي يؤمن فيه.

وحتى الدين شنو ممكن نسوي إذا كان فيه أشياء مو قادرين نفهمها بالشكل الصحيح .. أو شاكين انها ممكن تكون غير حقيقية لأن تفسيرات الدين والاحكام الشرعية اختلفوا فيها الناس والعلماء بشكل كبير جداً.. ولا الدين هو اتباع التعاليم  جميع التعاليم بدون لا تقتنع فيها.

المشكلة إن الحياة جداً معقدة ولما تبي تفهمها أو تفكر في وجودها ومآلها تزداد حيرة وشك، لكن ورغم هالأمور أنا برأيي لازم نفكر فيها ونحاول نفهمها علشان نعيش صح.

وبشكل عام بالنسبة لي أعتقد إن الأهم في هالحياة إن الإنسان يكون محب ومتسامح وهالصفتين أهما إللي يخلون الحياة جميلة لأن المحب دائماً يكون يبحث عن السعادة للناس إللي يحبهم وهالشي يخليه يمنح هالحب لكل الناس بدون استثناء، والتسامح صفة تخلي القلب رقيق وطيب و تبعده عن الكره والبغضاء والحقد، وبرايي ايضاً إن القلب السليم اهو أهم ما في الإنسان لأن الله سبحانه وتعالى يقول "يوم لا ينفع مال ولا بنون إلا من أتى الله بقلب سليم"، لذلك خلوا قلوبكم دائماً سليمة علشان تنعمون بالحياة وبالأخرة.
********

الاختيار صعب جداً ومحير ... شلون الواحد يقدر يختار إذا ما كان يعرف الشي اللي يبي يختاره ؟
******
أتمنى أن أجدك أنت دون سواك ... لكن كيف؟






2 comments:

الجودي said...

ممكن نستفتي قلبنا ... وممكن نقول الخيره فيما اختاره الله ..

وممكن أتمنى لك كل خير و إنك تجد ما تبحث عنه و تحقق كل أمانيك ..

شكرا لك :)

تحياتي

7osen said...

هلا جودي

ممكن جداً نستفتي قلبنا .. انا غالباً اتبع هذا الأسلوب لكن المشكلة إذا كان القلب ضعيف ومتأثر :))

شكرا من القلب على تمنايتج الطيبة
:)